Merkezê Çapemenîya QSDyî eşkerayîyêk daye û vat dewleta Tirkî û çeteyê ci xeta Zîrgan, Girê Spî û Kobanê de peyser ameyî qeldayene û xeylî îşxalkarî ameyî kiştene.Hêzê Sûrîyeya Demokratîke da zanayene ke hêrişê dewleta Tirkî dewam kenê û şervanê înan zî çarçeweya xopawitişî de cewab danê û nê pare kerdî:

Zîrgan

Artêşa îşxalkare 50 wesayîtan ra bi hêzêk hêrişê nuqtayanê hukmatê Sûrîye yê dewanê Eyn El-Hewa û Xirbet Cimo kerd û waşt ke dewê ke teberê pêkewtişê adirbirnayîşî de yê îşxal bikerê. Hêzanê ma yê ke herême de yê cewab da îşxalkaran. Pêkewtişê giranî ameyî ciwîyayene. Dewa Til El-Werdî xeylî îşxalkarî ameyî kiştene û wesayîtêko leşkerî ame îmhakerdene.

Girê Spî û Kobanê

Artêşa Tirkî ya îşxalkare û çeteyanê ci bi paştdayîşê hewayî hêrişê dewanê Evdikê, Çarqlî û Berberîyê kerd ke dewanê newayan îşxal bikerê. Hêzanê ma cewab da pêkewtişê giranî ameyî ciwîyayene. Heme hêrişê îşxalkaran peyser ameyî qeldayene. Pêkewtişan de xeylî çeteyî ameyî kiştene. Xoverdayîş de 5 hemrayê ma şehîd kewtî.‘‘