Merkezê Îrtîbatî û Çapemenîye yê QSDyî QSDyî bîlançoya şerî ya 24 saetanê peyênan eşkera kerde û da zanayene ke hêrişî ameyê şiknayene.

QSDyî vat: 

‘’Çeteyanê dewleta tirke ya îşxalkere vizêr dormeyê Pirdê Qereqozaxî de hêrişê noqtaya hêzanê ma kerd la şerwananê ma pêro hêrişî şiknayî. 

Artêşa tirke ya îşxalkere û çeteyanê ci dewê  Tîna, Cada, Bîr Hiso, Xeseq, Dîkan, Melha, Qelhîda, Siaa û Girê Qereqozaxî dayî bombayan ver. Nê cayî 60 reyî dîyayî bombayan ver. Netîceya hêrişan de zerarêko pîl resa mal û mulkanê şarî.

Çeteyan nê bombardumanan reyde hêrişê noqtayanê hêzanê ma zî kerd. Şerwananê ma cewab da hêrişan û pêkewtişê pîlî qewimîyayî. Tîya de goreyê tesbîtanê ma 3 çeteyî birîndar bîyî.

Yewinanê Şehîd Harunî zî wesayîtêkê çeteyan derb kerd. Hêzanê ma dormeyê pirdî de hêrişo diyîn zî şikna. Netîceya pêkewtişan de xeylê çeteyî kişîyayî û birîndar bîyî.

Cepheyê Eyn Îsayî de artêşa îşxalkere û çeteyanê ci dewa Ebû Sira daye bombayan ver, netîceya hêrişî de zerar resa bananê şarî.

Dormeyê Eyn Îsayî û Kobanê bi droneyanê çekdaran temamîya roje dîya bombayan ver.’’