Merkezê Îrtîbatî û Çapemenîye yê QSDyî derheqê bîlançoya şerî ya 24 saetanê peyênan de eşkerayîyêke daye. Eşkerayîye wina ya:

‘’Aşma hîrêyîne de hêrişê dewleta tirke ya îşxalkere û çeteyanê ci yê vera herêmanê Rojawanî dewam kenê. 

Cepheyê Awbendê Tişrînî de roja dişemeyî artêşa îşxalkere û çeteyanê ci dewê dormeyê awbendî bi giranî dayî bombayan ver. Dewa Xirbet El Zemala de zeraro madî qewimîya.

Çeteyanê îşxalkeran xîret kerd ke hêrişê hêzanê ma bikero la hêzanê ma cewab da hêrişan û 4 dronî vistî warî.

Cepheyê Qereqozaxî de dewa Xeseqê dîyaye bombayan ver û zeraro madî qewimîya. Dewê El Tina, Cada, Bir Heso, Xeseq, Dikan, Melha û Sena û Girê Sêvê û Qereqozaxî zî dîyayî bombayan ver û nê cayan de zeraro madî qewimîya.

Dormeyê Pirdê Qereqozaxî de hêzanê ma vera baregehê artêşa tirke çalakîyêke kerde û wesayîtêko zirxîn îmha kerd. Hetê pirdî yê bînî de zî vera baregehê îşxalkeran çalakîyêke ameye kerdene û tîya de 4 leşkerê îşxalkerî birîndar bîyî û di sîstemê radî ameyî îmhakerdene.

Cepheyê Dêra Zorê de droneyê çekdarî yê dewleta tirke ya îşxalkere herême ser o perrayî.’’