Merkezê Çapemenîya QSD'yî da zanayanê dewleta Tirkî pêkewtişê adirbirnayîşî binpay kena, hêrişê înan zêdîyayî û derheqê pêkewtişan de nê pare kerdî:

Cepheyê Dirbêsîyê-Serêkanîyê: 40 Îşxalkarî Merdî

Dewleta Tirkî hêrişê dewanê Derdara, Morîkîs û Bab El Xêrî yê ke mabênê Dirbêsîyê û Serêkanîyê de yê kerd. Şervananê QSD’yî cewab da îşxalkaran.3 tanq, 3 panzer û 6 wesayîtê leşkerî ameyî îmhakerdene. Tewr tay 40 îşxalkarî ameyî kiştene. Pêkewtişanê nê dewan de 11 şervanê QSD’yî  yê ke bi qehremankî da îşxalkaran ro şehîd bîyî.

Cepheyê Til Temir-Serêkanîyê: 16 Îşxalkarî Merdî

Îşxalkaran bi çekanê giranan da dewanê Bîr Nûh, Til Dîyab û Esedîye ro. Şervanan cevap da îşxalkaran. Netîceyê pêkewtişan de di wesayîtê leşkerî ameyî îmhakerdene û tewr tay 16 çeteyî ameyî kiştene.

Cepheyê Kobanê-Eyn Îsa: Xeylî Îşxalkarî Ameyî Kiştene

Dewleta Tirkî û çeteyanê ci dewa Qizalî hêriş kerd. Pêkewtişan de xeylî îşxalkarî ameyî kiştene.  2 şervanê QSD’yî û 3 leşkerê rejîmî birîndar bîyî.

Pêro Pîya 56 Îşxalkarî Ameyî Kiştene

Goreyê eşkerayîye hêrişê îşxalî ameyî şiktene û pêro pîya 56 leşker û çeteyî ameyî kiştene û 16 wesayîtê leşkerî ameyî îmhakerdene.

13 Şervanî Şehîd Bîyî

Hêrişanê îşxalî de leşkerekê rejîmî cuya xo vînî kerde 13 zî birîndar bîyî. Xoverdayîş de 13 şervanê QSD’yî şehîd bîyî  û 2 zî birîndar bîyî.‘‘