Merkezê Çapamenîya QSDyî da zanayeneke hêrişê dewleta tirke dewam kenê û vat hîrê rojanê peyênan de 5 îşxalkerî ameyî kiştene.

Bîlançoya QSDyî ya hîrê rojanê peyênan wina ya: ‘‘Îşxalkeran bi çekanê giranan hêrişê dewanê Xalidîyê û Hoşanî yê Eyn Îsayî kerd. Reyna dewê Kopîrîk, Erîda, Qizalî, Fatîsa, Bîr Îsa û Bîr Timihî de dormeyê embarê xeleyî de çayê sivîlan bi paştdayîşê wesayîtanê hewayî yê bêmerdiman (ÎHA) hetê artêşa îşxlakere ra  ameyî  bombardûmankerdene. Rîyê hêrişan ra xeylêk sivîlî mecbur mendî ke bar bikerî. Bi cewabdayîşê hêzanê artêşa Sûrîye tayî îşxalkerî ameyî kiştene. Serêkanîyê de zî îşxalkeran dewa Mişrefa bi çekenê giranan bombardûman kerde. 28ê kanûne de çeteyanê hucreyanê nimiteyan ê DAÎŞî  Reqa û Derazor de hêrişê stargehanê hêzanê ma kerd. Pêkewtişan de 2 çeteyî ameyî kiştene 3 çeteyî zî cayê qewimîyayîşî ra remayî. Bombardimanê çeteyan ê Eyn Îsayî de di embazê ma şehîd bîyî. Bi cewabdayîşê hêzanê artêşa Sûrîye tewr tay 5 îşxalkerî ameyî kiştene.‘‘