Merkezê Çapemenîya QSDyî bi beyanatêkî netîceyê şerî yê roja 53. ê xoverdayîşê Rojawanî û Vakur û Rojhelatê Sûrîye eşkera kerdî.

Beyanatê QSDyî wina yo:

''Artêşa tirke ya îşxalkere û cerganê aye hêriş û fealîyatanê xo yê keşfî pêro herême û cepheyan de dewam kenê.

Til Temir

Artêşa îşxalkere û komê cergan dormeyê Til Temirî de hêrişanê xo yê bi çekanê giranan dewam kenê. Cergan dewa Derdara de hêrişê çeperanê Meclîsê Leşkerî yê Sûryanîyan û sivîlan kerd.

Eyn Îsa

Artêşa îşxalkere û cerganê aye dewanê Eyn Îsayî û Qiz Elîyî ser o bi hawayêkê xurtî bombayî varnayî û zaf sivîlî kerdî hedef. Dewanê Ebû Sira, Korikê, Um Elberamî, Mesûdîye bi tank û topan ameyî bombavarnayene. Artêşa tirke ya îşxalkere bi çekanê giranan hêrişê dewa Genterî û rayîrê M4î kerd.

Netîceyê hêrişanê artêşa îşxalkere yê bi çekanê giranan de embazêkê ma şehîd kewt."