Merkezê Çapemenîya QSDyî bîlançoya şer û xoverdayîşî ya serra 2019î eşkera kerde. Eşkerayîye de serkewitşê QSDyî yê vera DAÎŞî ame vîr ardene û ame vatene ke şervanê QSDyî û şarê Rojawanî semedê pawitişê herra xo vera îşxalkerden xo ver danê û do çirey verê hêrişan de çok nêdê.

3 Aşman de 1306 Çeteyî Ameyî Kiştene

QSDyî bîlançoya çalakîyanê xo wîna eşkera kerde: ''Herêma Dêrazorî de Hacîn û der û dorê ci ameyî xelisnayene. Goreyê bîlançoya hîrê aşman hezar 306 çeteyî ameyî kiştene. 29. 600 ra zêdêr çeteyî û keyeyê înan ameyî destbendkerdene.  Reyna xeylêk cebilxaneyo leşkerî ame destfînayene. Yewîyanê Antî- Terorî 40 ra zêdêr operasyonî kerdî û vernîye hêrişanê girdan girewt. Çarçeweya têkoşînê vera terorî de operasyonan û xoverdayîş û şerî de 256 embazê ma bi şerkerdişêkê qehremankîyî şehîd bîyî. Hêzanê ma operasyonê vera Bagdadî ca girewt. Bado ke hêzanê ma DAÎŞ herême ra pak kerd, Tirkîya 9ê teşrîna verêne de 2019î de dest bi hêrişê îşxalî yê vera Rojawanî kerd. Hêrişê îşxalkeran de bi se hezaran hemwelatîyê ma mecbûr mendî ke erdê xo caverdî.''

 Bîlançoya Hêrişanê Îşxalkeran û Xopawitişê Meşrûyî

Eşkerayîye de derheqê hêrişê îşxalî yê dewleta tirke û xoverdayîşê meşrûyî de nê ameyî parekerdene: ''379ê înan ê hêrişê hewayî hezar û 21 zî hêrişê erdî yê bi çekanê giranan ameyî kerdene. Hêzanê vera înan çarçewa xopawitişî de cewab da. Netîceyê naye de hezar 34 leşkerê tirkî û çeteyê ci ameyî kiştene û 294 zî birîndar bîyî. Reyna  7 tanqî, 17 wesayîtê zirxinî, 11 BMP, 69 wesayîtê leşkerî, 11 wesayîtê doçkayan,  2 makînayê karî û 3 motorsîkletî ameyî çînkerdene.  Nê xoverdayîşî de pêro pîya 508 hemrayê ma bi qehremanî şehîd kewtî. Hezar 547 hemrayê ma  bîrîndar bîyî 73 hemrayê ma zî esîr kewtê destê dişmenî.  Netîceyê hêrişanê artêşa tirke de tewr tay 400.000 sivîlî cayê xo ra bîyî. Netîceyê bobardûmananê îşxalkeran de tewr tay 522 hemwelatîyê ma yê sivîlî şehîd bîyî. 2 hezar 775 sivîlî zî birîndar bîyî. pîya bi înan netîceyê hêrişan de herêmê Serêkanîyê û Girê Sipî ameyî îşxalkerdene. Têkoşînê vera DAÎŞî û dewleta tirke de yewîyanê YPJyî rolêko gird kay kerdo.''