Fermandarîya Pêroyî ya QSDyî derheqê hêrişanê îşxalî yê dewleta tirke û qewimîyayîşanê peyênan ê herême de eşkerayîye daye û nê vatî:

''Rixmê heme cehdkerdişê adirbirnayîşî yê Koalîsyonê Mîyaneteweyî û Amerîka dewleta tirke sînorê Kobanê, Qereqozax û Tişrînî rê sewqîyatê leşkerî yê girdî kena. Artêşa tirke ya îşxalkere 18ê kanûne de vera Awbendê Tişrînî hêrişo hîra da destpêkerdene. Herême de pêkewtişê giranî hema dewam kenê. Bado ke hêzanê ma heme hêrişî peyser qeldayî dewleta tirke ya îşxalkere bi droneyanê çekdaran warê cîya cîyayî yê Kobanê dayî bombayan ver. Sînorê Pirsûsî de zî têgêrayîşê dewleta tirke dewam keno. Sînorê Kobanê de xeylê wesayîtê zirxinî ameyî cakerdene.

Ma sey QSDyî reyna vanê ke ma semedê qedînayîşê şerî û pêkewtişan qerardar ê.Ma eşkenê heme probaleman bi dîyalogî çareser bikerê. Eynî wextî de ma do vera hêrişanê serê hêzan û şarê ma bêvneg memanê. Ma reyna fînenê dewleta tirke ya îşxalkere û çeteyanê ci vîrî ke ê nêeşkenê senî ke şirê pîknîk bikewê herra Kobanê. Eke ê hêrişê Kobanê bikerê şar û hêzê ma do xover bidê. Vera nê xoverdyaîşî biheypetî Kobanê ra vejîyayîş zî do rehet mebo.

Şerê Kobanê do bibo şerê serkewtişê girdî.Ruhê qehremanîye yê hêzanê ma yo ke Pirdê Qereqozaxî û Awbendê Tişrînî de mojnenê ra nîşaneyo zelal ê serkewtişê Xoverdayîşê Kobanê yo. Ma xoverdayîşê aktîfî yê şarê Kobanê selam kenê û veng danê ke wa heme şarê ma yê Kobanê çekenê xo bigîro pîya bi şervaanê xo cepheyan de cayê xo bigîro. Ma pêro pîya her dewa Kobanê, her hetê bajarî bikerê qelaya xoverdayîşî. Ma nê zaf hole bizanê ke, rayîrê cuyeyêka azade û bianore,serkewtişî  xoverdayîş o. Wa şarê ma yê Kobanê û Rojawanî bizanê ke şima qet çew têna nîyê; her hetê dinya ra şar paştî dano ma. Pêro dinya do destanê qehremayîye rê şahîdîye bikero.

Ma sey QSDyî vatbi ke ma qerarê vindarnayîşê operasyonanê leşkerî yê Sûrîye yo ke kombîyayîşê Akabe de ame girewtene, pozîtîf vînenê. Reyna seba ke Koalîsyonê Mîyanneteweyîyî cehd keno ke krîzî kêm bikero ma ci rê spas kenê. Ma veng danê heme welatan û hêzan ke wa semedê vindarnayîşê hêrişanê dewleta tirke û çeteyanê ci şirê Tirkîya ser. Ma welatanê Ereban  û şarê vanê ke semedê herra Sûrîye tehlukeyo tewr pîl dewleta tirke ya. Semedê yewîya Sûrîye ma reyna veng danê ke vera hêrişanê dewleta tirke û çeteyanê ci tewirê zelalî ramojnê.''