QSD’yî da pêhesnayene ke rixmê pêkerdişê adirbirnayîşî hêrişî dewam kenê û pêkewtişê giranî yenê ciwîyayene. Eşkerayîyê de ame vatene ke pêkewtişanê roja 10’ine yê şerî de 18 îşxalkarî ameyî kiştene.
Hêzê Sûrîyeya Demokratîke (QSD) bîlançoya pêkewtişanê 24 saetanê peyênan ê Şerê Anorî yo ke vera hêrişanê dewleta Tirkî yeno domnayene eşkera kerde.
Merkezê Çapemenîya Hêzanê Sûrîyeya Demokratîke (QSD) da zanyene ke Serêkanîyê, Qamişlo û Kobanê de hêrişê îşxalkaran dewam kenê û va‘‘Netîceyê xoverdayîşî de pêro pîya 18 leşker û çeteyê dewleta Tirkî ameyî kiştene û xeylî îşxalkarî zî birîndar bîyî. Nê xoverdayîş de 17 embazê ma yê ke bi qehramanî vera îşxalkaran şer kerdêne şehîd bîyî û 25 embazê ma zî birîndar bîyî. Dimayê pêkerdişê adirbirnayîşî heme herêmanê şerî de embazê ma kewtî pozîsyonê xopawitişî û çalakîyî nêviraştî. Heme pêkewtişê netîceyê cewabdayîşê hêrişanê de ameyî ciwîyayene.‘‘
