Merkezê Îrtîbatî û Çapemenîye yê QSDyî bi eşkerayîyêke bale ante ser ke Torra Heqanê Merdiman a Sûrîye (SNHR) ya ke hetê dewleta tirke ra yena îdarekerdene, îdîa kerdo ke dewa Qişlê ya Minbicî de hîrê kesî hetê hêzanê QSDyî ra ameyê kiştene.

QSDyî vat: ''SNHR bi nê îdîayan xîret keno ke sûcanê sîstematîkanê çeteyan û artêşa tirke ya îşxalkere binimno. Hêzanê ma 10 rojî verî Qişlê ra cerganê El Emşat û El Hemzatî pakî kerdî. Hêzanê ma tîya de cenazayê hîrê sivîlan Mihemed El Xelîl El Eyûbî, cinîyan ci û lajê ci dîyî. Nê kesî hetê çeteyanê dewleta tirke ra ameybî qetilkerdene. Sûcê çeteyanê dewleta tirke bi dîmenan ameyî belgekerdene.

SNHR keno ke sûcdaranê raştikênan binimno. No kerdişê dezgehî rayîr dano ke sûcê çeteyan dewam bikerê û edalet nêro caardene.''