QSD’yî artêşa Sûrîye rê şertê muzakere û xoserîye pêkêş kerd

QSD'yî cewab da vengdayîşê Wezaretê Pawitişî yê Sûrîye ke hêzê QSD'yî tewrê artêşa Sûrîye bibê, şertê peymanêka sîyasîye ya waştişê şarî bêrê ca û QSD mabênê artêşê de xoser bibo pêşkêş kerd.

Wezaretê Pawitişî yê Sûrîy beyanatêk da û Hêzê Sûrîyeya Demokratîke (QSD) ra waşt ke seba xoverdayîşê verba hêrişanê îşxalkaranê Tirkîya tewrê artêşa Sûrîye  bibê.

Fermandarîya Pêroyî ya QSD'yî wina cewab da: "Sey Fermandarîya Pêroyî ya Hêzanê Sûrîyeya Demokratîke ma paşt danê pêroyê xebatanê pawitişê yewîya Sûrîye û şikitişê hêrişanê Tirkîya yê ke welat û şarê ma ser ê. Tewirê ma destpêkî ra nata kifş o. Ganî mekanîzmayêko rast newe ra bêro sazkerdene û çarçeweya  yewkerdişê kedan de bêro dîyene. Ganî yewîya hetî bingeyê çareserîye bibe.

Hêzanê Sûrîyeya Demokratke verê çimanê dinya de serranê peyênan de seba pawitişê Sûrîye û cîhanî verba DAÎŞ'î şer kerd, xilafeta ey Sûrîye û cîhan de rijnaye. Hêzê Sûrîyeya Demokratîke leşker ê û goreyê sîstemêkî rêxistine bîyî. Ma ziwanê mûxatebgirewtişê Wezaretê Pawaitişî yê Sûrîye nê endaman bi hewayêkê pêtî red kenî. Herinda ke wezaretî nê endamî mûxateb girewtî, ganî germandarîya pêroyî ya Hêzanê Sûrîyeya Demokratîke seba akerdişê berê dîyalogan mûxateb bigirewtêne."