Şerwananê Hêzê Sûrîyeya Demokratîke (QSD) dewa Baxozî ya pabesteya Hecînî ya Dêra Zorî de vera çeteyanê DAÎŞ’î dest bi operasyonî kerd.

Hêzanê QSD’yî vizêr saetanê şanî de da zanayene ke înan vera çeteyanê DAÎŞ‘î dest bi operasyonî kerdo. Hêzanê QSD’yî 9’ê Sibate de dest bi operasyonanê xelisnayîşê sivîlan kerdbi. Ê  tarîxî ra nata bi hezaran sivîlî û çeteyanê ke teslîm bîyî Baxozî ra ameyî vetene.

Fermandaranê QSD’yî ra Ednan Efrînî vizêr babete ser o ANF’yî rê qisey kerd. Efrînî ard ziwan ke bi hezaran sivîlî û çeteyê DAÎŞ’î û keyeyê înan ke Baxoz de bî ameyî tehlîyekerdene. 1’ê Adere  de dewe de sivîlî nêmendî û çeteyê ke teslîm nêbîyê vera înan şerwananê ma ewro saet 18.00 de dest bi operasyonî kerd.