Sûrîye de dewa Baxozî ya ke girêdayîya Dêrazorî ya de xeylî DAÎŞ’ijî teslîmê hêzanê QSD’yî bîyî û nê çeteyan ra zêderîyê înan hemwelatijê Komaranê Tirkîyîyan ê. Nê çeteyî hemwelatijê sey welatanê Tirkîya, Tirkmenîstan, Tirkîstano Rojakewtene, Ozbekîstan, Tacikîstan, Kixizîstan, Azerbeycanî yê.

Nê çeteyî bi keyeyanê xo beşdarê DAÎŞ’î bîyê û na babete de çîyo tewr muhîm, pêro zî Tirkîya ra şîyê hetê Surîye. Nê çeteyî bi keyeyanê xo verî ameyî Tirkîya û bi destê tayê şebekeyan, Tirkîya ra derbazê Surîye bîyê.

Serra 2015’î ra ver çeteyî xeta Akçakale- Girê Sipêyî û Kîlîs-Cerablûsî ra derbazê Sûrîye bîyenê û nê serranê peyênan de zî çeteyî xeta Bab û Îdlîbî ra derbazê Sûrîye bîyê û beşdarê DAÎŞ’î bîyê. Çeteyî derheqê xeta derbazbîyayîşî de rolê Tirkîya îtîraf nêkenê la baş yeno dîyayene ke bi hawayêko sîstematîk, Tirkîya zereyê nê karî de ya. Çeteyê ke teslîm bîyê vanê înan Tirkîya de heqê roniştişî bi asanîye girewta û bi destpêkerdişê şerî derbazê Surîye bîyê.

Nê çeteyan rê persê sey “Ti çira ameyî Sûrîye“yan zî “Sûrîye de şima rê çi ame wadkerdene“. Çeteyan wina cewab kerde: “Ma ra va uca de kar esto, erazî esto, mal- milk esto.Tirkîya derheqê cografyaya Sûrîye de emelanê xo nênimnena û bi îşxalkerdişê Îdlîb, Efrîn, Ezaz, Cerablûs û Babî emelê xo kerdo eşkera. Tirkîya Komaranê Tirkîyîyan ra çeteyî neqlê Sûrîye kerdê û bi nê qeyde waşto ke verî îskan, peyê cû îşxal bikero. Na polîtîka wextê Osmanîyan de esas ameya girewtene û ewro zî hetê dewleta Tirkî ra yena caardene. Pisporî no derheq de wina fikirîyenê: “Tirkîya waşt ke pêroyê herême bikewo binê kontrolê DAÎŞ’î û peyê cû zî se ke Cerablûs, Bab û Ezaz de aseno, bi bahaneyê mucadeleyê vera DAÎŞ’î wazeno ke herême îşxal bikero.“

La serê de YPG-YPJ’yî bi xoverdayîşê Kobanê DAÎŞ peyser pijiqna û peyê cû QSD’yî hem Bakûr hem zî Rojakewtena Sûrîye de derbeyê pîlî dayî DAÎŞ’î ra, herême kerde pak û bin o qeyde planê Tirkîya xerepnayî. Binkewtişê DAÎŞ’î yê Kobanê ra dima 30’ê Teşrîna Verêne ya serra 2014’î de tarîx de kombîyayîşê Heyetê Ewlehîye yê Neteweyî yo tewr derg kerd û bin ê kombîyayîşî vera Kurdan qerarê şerî girewt.