Merkezê Çapemenîya QSD'yî netîceyê hêrişê îşxalkarîye yê roja 12'ine eşkera kerde ke binê prosesê 'adirbirnayîşî' de dewleta Tirkî û çeteyanê ci reyde hêrişanê xo rê dewam kena.

Eşkerayîye wina ya:

Serêkanîyê

"Artêşa îşxalkare ya Tirkî û çeteyanê ci hêrişanê xo rê serê herêmanê adirbirnayîşî de dewam kerd. 20'ê Teşrîna Verêne de komanê çeteyan ê artêşa îşxalkarîye ya Tirkî bi teyarayanê keşfî û şerî xîret kerd ke xetanê dewa Menacirî ya başûrê Serêkanîyê û dewanê rojakewtena Sûrîye rê hêriş bikê. Hêzanê ma çarçeweya pawitişo meşrû de bi heman hewayî cewab day nê hêrişan û netîxe de şerêko wextkilm qewimîyayo. Şer de 3 çeteyî ameyî kiştene û 2 wesayîtê zirxî ameyî îmhakerdene, wesayîtêkî rê zî derbe ameye dayene.

Herêma Firatî

Komanê çeteyanê artêşa îşxalkare bi teyarayanê şerî û keşfî û çekanê giranan hêriş kerd serê dewanê vakurê Eyn Îsa û Çelebîye. Hêzanê ma çarçeweya pawitişo meşrû de cewab da hêrişanê înan. Dewanê Webdê, Kafîya û Wasta de şerêko giran qewimîyayo. Netîceyê cewabdayîşî yê ambazanê ma de hûmarêka çeteyan ameye kiştene û brîndarkerdene.

Şer de tewr tay 3 çeteyî ameyî kiştene, zafê înan zî birîndar bîyî û 3 panzerî ameyî îmhakerdene.6 embazê ma bi mêrxasî şer kerd û şehîd kewtî, 9 embazê ma yê ke têkilîya ma înan reyde tay bibî, ame zelalkerdene ke şehîd bîyî. 21 embazê ma zî birîndar bîyî."