Merkezê Çapemenîya QSDyî bîlançoya 24 saetanê peyênan ê şerî pare kerd û nê vatî:

'2Rixmo ke pêroyê Sûrîye de şayîyê Newroze yenê kerdene dewleta tirke ya îşxalkere û çeteyanê ci hêrişê xo yê vera Rojawanî domnayî.

Cepheyê Awbendê Tişrînî; artêşa tirke ya îşxalkere vizêr (îne) dormeyê awbendî û dewê başûr rojhilatê  Minbicî bi obus topan dayî bombayan ver, hêrişan de xesaro madî ame meydan.

Hêrişê dewleta tirke û çeteyanê ci yê vera nuqtayanê şervananê ma ameyî betalkerdene. Yewîyanê Şehîd Harunî zî vera wesayîtêkê çeteyan çalakîye kerde û wesayît îmha kerd. Saetanê nîmroje de îşxalkeran bi obusan dormeyê Awbendê Tişrînî da bombayan ver. Netîceya hêrişî de xesaro madî ame meydan.

Dêr Hafir de artêşa tirke û çeteyanê ci bi hîrê droneyanê kamikazê dewa Îmamê de hêrişê nuqtayêka hêzanê ma kerd. Netîceya hêrişî de xesaro madî ame meydan. Serê herême de heta şan droneyê çekdarî gêrayî.

Cepheyê Qereqozaxî; çeteyan cehd kerd ke hêrişê rojawanê cepheyê pirdî bikero. Şervananê ma bi çalakîye cewab da hêrişan. Çalakîye de çeperê îşxalkeran û çeteyan ame îmhakerdene la derheqê merdeyan de zanayîş nêame girewtene.''