Fermandarîya Pêroyî ya QSDyî bi eşkerayîyêke bîlançoya hêrişanê 5-6ê teşrîna verêne yê vera Rojawanî eşkera kerde.

Eşkerayîye wina ya:

''Dewleta tirke ya îşxalkere bi bahaneya çalakîya Anqara hêrişanê vera Rojawanî rê dewam kena. Hêrişanê namerdan de dewleta tirke dezgehê xizmetî, îstasyonê enerjî û awe, baregehê leşkerî, înşaetî û dewî ameyî hedefkerdene. 

Dewleta tirke ya îşxalkere hêrişanê xo de tewr tay 30 droneyê çekdarî û teyarayê şerî şuxilnayî û herêmê Efrîn, Şehba, Minbic, Kobanê, Eyn Îsa, Til Temir, Zirgan, Hesekê, Qamişlo, Amûdê, Tirbespiyê, Çilaxa û Dêrikî dayî bombayan ver. Nê hêrişê dewleta tirke sivîlan û aramîya herême kenê hedef û seba pêro dinya tehluke yê.

Ma sey QSDyî heta peynî erkê xo bikerê û erdê xo û şarê xo bipawê. Ma venga pêro şaran danê ke vera hêrişanê dewleta tirke vinderê. Ma do qetî cewabê nê hêrişan bidê. 

Bîlançoya hêrişan wina ya:

-8ê ci sivîlî, yew şerwanê QSDyî û 6ê ci endamê Hêzanê Asayîşê Zereyî 15 kesî hêrişan de şehîd bîyî.

-Til Temir de dewa Tewila de îstasyonê awe û dewê Rikuba dîyayî bombayan ver. Dima baregehê hêzanê ma yê dewa Dirdara dîya bombayan ver.

-Amûdê de; dewa Til Hebeşî dîyaye bombayan ver û 2 endamê Hêzanê Asayîşê Zereyî şehîd bîyî, 2 endamî zî birîndar bîyî. Dima îstasyonê ceyranî, dewê Bobî, Dabat û Mişêrfê dîyayî bombayan ver.

-Qamişlo de; îstasyonê ceyranî, depoyêk, înşaetêk, dewa Girbawî, dewa Til Xatûne, îstasyonê petrolî yê dewa Mizgefî, îstasyonêkê ceyranî û 4 îstasyonê petrolî yê Tirbesipîyê dîyayî bombayan ver.

-Dêrik de; awbendê Çilaxa, îstasyonê Al Qewsî, dewê Xana Serî û Sêgirka, îstasyonê ceyranî yê Çilaxa, nêweşxaneyê Korona yê dewa Girê Vira, îstasyonê ceyranî yê Siwêdîyê dîyayî bombayan ver.

-Hesekê de; dewa Mişêrfê, Kampa Waşokanî ya Serêkanî dîyayî bombayan ver.

-Herêma Firatî de; bajarekê Çelebî yê Eyn Îsayî û bajarekê Sirînê dîyayî bombayan ver.

-Minbic de dewê Girhiyok, Kokilî, Qertwêran, Mihsinlî, Seyada, Ewn Dadat, Cat, Şêx Yehya û Qereqozaqî dîyayî bombayan ver.

-Efrîn û Şehba de; dewa Meyasa ya Şêrawa, dewa Sîwanî ya Şehba, Til Rifetî, dewa Meranazî ya Şera, dewê Til Cemal û Zîyaretî yê Şêrawa, dewê , Gundê Mezin, Kalûta, daristana Soxanekê û Bênê yê Şêrawa dîyayî bombayan ver.''