Merkezê Îrtîbatî û Çapemenîye yê QSDyî bi eşkerayîyêke da zanayene ke înan vera hucreyanê DAÎŞî Koalîsyonê Mîyanneteweyî reyde Operasyonê 'Zixmkerdişê Asayîşî' da destpêkerdene.

Eşkerayîye de wina ame vatene: ''Herêma Dêra Zor de vera hêzanê asayîşî, şar û rîsipîyan DAÎŞ hêrişê terorî keno. Kombîyayîşanê QSD, Fermandarîya Pêroyî, rîsipîyan, şêx û serekanê eşîran de ame waştene ke wa hucreyê DAÎŞî bêrê teqîbkerdene û çinkerdene. Naye ser o ewro (vizêr) şan saete 20.00 de sere de Dêra Zor herêma rojhelatî ya herêma Firatî de hêzanê ma Operasyonê Xurtkerdişê Asayîşî da destpêkerdene. 

No operasyon dewamê operasyonanê bînan o ke armancê ci binkerdişê DAÎŞî, astengkerdişê hêrişan û teqîbkerdişê sûcdaran o. Operasyonê ma hêzanê Koalîsyonê Mîyanneteweyî reyde heta ke armancanê xo bîyaro ca do dewam bikero.

Hêzê operasyonî do serekanê eşîran û rîsipîyan reyde bixebitê. Hêzê ma seba caardişê asayîşî apey game nêerzê û vera terorîst, sûcdaran û kesanê hemkaran têkoşîn bikerê.''