Merkezê Îrtîbatî yê Hêzanê Sûrîyeya Demokratîke (QSD) pê eşkerayîyêka nuştekîye pare kerd ke Yewinanê Antî-Terorî (YAT) 16ê gulane de vera hucreyanê DAÎŞî operasyonêk kerd. QSDyî derheqê operasyonan de nê zanayîşî dayî:

''Roja 17ê gulane herêma Dêra Zorî ya rayîrê Kesrata de hetê Yewinanê Antî-Terorî ra vera hucreyanê DAÎŞî operasyonêko taybet ame kerdene ke nê hucreyî amadekarîya hêrişî kerdêne. Netîceya operasyonî de cergê bi nameyê Mihemed Hemed EL- Selam (Ebû Brahîm El Xalaf), Evdilbakî Eqla El-Casim (Ebû Emîr) û Îbrahîm Hilû El Îbrahî (Ebû Xelîl) ameyî tepiştene.

Operasyon de 10 mayînî, motorêk, 1 AK-47, 16 funye, 35 telefonî, 27 destikê qijkekî, 10 kîlo TNT, 200 metre qablo, 2 dûrbînî, wesayîtêko bombabarkerde û xeylêk malzemeyê sabotajî ameyî destvistene. Wesayît seba hêrişêkê pîlî amebi amadekerdene. 

Goreyê îfadeyanê serekê hucreyî Ebû Îbrahîm, înan cergêkî ra ke nika Serêkanîyê de yo fermanî girewtêne û amadekarîye kerdêne ke Roşanê Remezanî de xeylêk cayan de vera sivîlan çalakîyanê sabotajî bikerê.''