Merkezê Çapemenîye yê QSDyî da zanayene ke QSDyî Dêra Zorê û Qamişlo de vera hucreyanê DAÎŞî operasyon kerd û 5 cergî tepiştî. Derheqê operasyonî de nê zanayîşî dîyayî:

''Hêzanê ma û hêzanê Koalîsyonê Mîyanneteweyî bajarekê Şehîlî yê Dêra Zorê û Til Hemisî yê Qamişloyî de vera hucreyanê rêxistina DAÎŞî operasyonê cîya-cîyayî kerdî.

Operasyono yewîn 24ê çeleyî de bajarekê Şehîlî de ame kerdene. Netîceya operasyonî de 4 endamê DAÎŞî tepişîyayî û dest nîya çekanê înan ser.

Operasyono diyîn 25ê çeleyê 2021î de bajarekê Til Hemisî yê Qamişloyî de ame kerdene. Netîceya nê operasyonî de terorîstêko ke hetkarîya keyeyanê Kampa Holî kerdêne ame tepiştene û dest nîya hacetanê ci ser.''