Merkezê Îrtîbatî û Çapemenîye yê Hêzanê Sûrîyeya Demokratîke (QSD) ewro bi eşkerayîyêka nuştekîye da zanayene ke bi beşdarîya Hêzanê Asayîşê Zereyî înan operasyonêk kerdo û dest nayo depoyê çekan ê tewr pîlî yê DAÎŞî ser.

Eşkerayîye de ame parekerdene ke operasyon dewa Qîrwanî ya Til Hemîsî de, çarçewa safhaya diyîne ya Operasyonê Asayîşî û Merdimîye yê vera DAÎŞî de ameyo kerdene. QSDyî pare kerd ke înan îtîrafanê cergan ser o cayê cebilxaneyî kifş kerdo û eşto ser.

QSDyî vat: ''No depo şerê Baxozî ra dima depoyêko tewr pîl o ke hêzanê ma dest nayo ser û şerê Zîndanê Sînaa ra dima derbêka tewr pîl a ke ma dayo DAÎŞî ro.

DAÎŞî nê cebilxaneyî do hêrişanê vera Kampa Holî de bişuxilnayêne. Dima ke hêzanê ma vera Kampa Holî operasyon kerd planê cergan zî bin kerdî. Hêrişê DAÎŞî û dewleta tirke heman wextî de qewimîyayî ke no têkilîya DAÎŞ û Tirkîya eşkera keno. Hêzanê ma bi operasyonanê xo verê hêrişanê înan girewt. Hêzanê ma tehqîqatanê vera cergan de teyît kerd ke dewleta tirke seba ke bikewa erdê ma DAÎŞî rê hetkarîye kerdêne. 

Nê operasyonî vera rêxistina terorî DAÎŞî û paştgîranê ci derbê giranî dayî û hêzê înan zeif kerd. Hêzanê ma Sûrîye û pêro dinya gefanê DAÎŞî ra xelisnayî. Ma do vera DAÎŞî têkoşînê xo rê dewam bikerê. Ma reyna venga komelê mîyanneteweyî danê ke nê prosesê hêrişanê dewleta tirke û DAÎŞî yê vera erdê ma de erk û mesuldarîyanê xo bîyaro ca.''

Cebilxaneyê ke QSDyî dest nayo ser:

1- Çekê AK-77: (58)

2- Çekê M72 LAW:  (1)

3- Tifingê MG3: (1)

4- Dengirê çekan: (8)

5- Bombayê destan: (19)

6- Şarjora çeka AK-47: (596)

7- Şarjora demançeyan: (2)

8- Şarjora çeka M-16: (2)

9- Dûrbînê şewe: (1)

10- Dûrbînê RPG-7: (1)

11- Rext: (38)

12- Rextê dengizî: (40)

13- Bombayê RPG-7: (200)

14- RPG-7: (149)

15- Fîşekê AK-47: (12310)

16- Fîşekê BKC: (3140)

17- Fîşekê M16: (5400)

18- Fîşekê AKS: (900)

19- Fîşekê doçka 12,5: (79)

20- Telefonêkê destan: (358)

21- Cîhazo bêtêl o leşkerî: (5)

22- Mayînê erdê: (5)

23- Mayînê wesayîtan: (14)

24- Mîktarêkê teqaberan (TNT), mayîn, madeyê tedeyîya mayînan"