Merkezê  Îrtîbatî û Çapemenîye yê Hêzanê Sûrîyeya Demokratîke (QSD) vizêr şan derheqê xoverdayîşê QSDyî yê vera dewleta tirke û çeteyanê ci yê başûrê rojhelatê Minbicî de nê pare kerdî:

''Hêzanê ma verê hêrişê dewleta tirke ya îşxalkere û çeteyanê ci yê vera başûrê rojhelatê Minbicî bi serkewtişî girewt.

26ê kanûne de saete 13:00 de hêzanê îşxalkeran ê dewleta tirkî û leşkeranê ci yê bipereyî vera başûrê rojhelatê Minbicî hêrişo gird da destpêkerdene. Konvoyêko gird ê wesayîtanê zirxinan û leşkerîyan ê dewleta tirke paştî daye hêrişan.

Hêzanê ma vera leşkeranê bipereyan ê hêrişkaran xoverdayîşo gird kerd. Pêkewtişê giranî qewimîyayî û heta saete 17:30 de dewam kerd. Hêzanê ma wesayîtêko zirxin û wesayîtêkê Toyota îmha kerdî. Tanq û wesayîtanê bînan zî xesar dî. Tewr tay 12 leşkerê bipereyî  ameyî kiştene û 4 cenazayî warê şerî de mendî.

Leşkerê bipereyî zextê hêzanê ra mecbûr mendê ke biremê. Înan ra tayî dewa Tal Arişî de xo axûranê ke ameyî caverdayene de nimit. Hêzanê ma dima ra na herême bi çekanê giranan hedef girewt û tay leşkerê bipereyî yê bînî ameyî kiştene. Hûmara leşkeranê bipereyan ke merdî nîna zanayene.

Pîya bi nê pêkewtişan sey paralelî hetê Yewîyanê Ma yê Şehîd Harûnî ra warêmendişî yê leşkeranê bipereyan û mewzîyê înan çar reyî ameyî pirodayene û dahîna zaf zirar dîya îna. Dîmenê nê operasyonan do bêrê parekerdene.''