Merkezê  Çapemenîya QSDyî derheqê roja 71. a hêrişan de bîlançoyêk weşana û eşkerayîya xo ya 19ê kanûne raşt kerde.

Eşkerayîya QSDyî wina ya: "Artêşa tirke ya îşxalkere û cerganê ci hêriş û îşxalê xo yê vera Serêkanîye dewam kerd.Cergan bi çekanê giranan hêrişê zaf cayanê sivîlan kerd û waşt ke warê îşxalî hîra bikê. Artêşa îşxalkere vera dewa Mişrefa û cayanê sivîlan ê ke dormeyê Mişrefa de yê bi tankan û obusan hêrişê giranî kerdî. Hêrişan de zerarê madîyî resayî keyeyanê sivîlan ser. Artêşa îşxalkere dewanê Ûm El Îşba, Til Herêmla û El Esedîye ser o bombayî varnayî. Ma eşkerayîya xo ya vizêrine de serebûto ke aslê xo de Serêkanîyê de qewimîya seke Amûde de qewimîya eşkera kerd. Dewa Mişefra ya ke ma vizêr sey 'dewa Amûdê' eşkera kerde pabesteya Serêkanîyê ya."