Hemşaredara Dêrsimî Birsene Orhana ke wezîfeyê ci ame xespkerdene hetê dozgerîye ra bi waştişê tepiştişî mehkeme rê ameye sewqkerdene. Birsene Orhan mehkeme de bi qerarê cezaya hepsê keyeyî serbest ameye veradayene.

Birsene Orhan dima ra pîya kesanê ke a verê mehkeme de pawêtene şîye banê DEM Partî û eşkerayîye daye. Birsene Orhan nê vatî: ''Neheqîye û bêhuqûqîya ke bi serran o yena kerdene demê peyênî de dilab-hîrlab zêdîyaye. Bado ke vera Hemşaredarê ma Cevdet Konak û Mustafa Sarigulî qeraro bêhuqûq ame girewtene ewro zî gama ke ez şîya îfade ez ameye destbendkerdene. Bîlasebeb derheqê mi de qerarê destbendkerdişî ame girewtene. Ez semedê îfadeyî şima mudirîya polîsan ûca ra şawîyaya edlîye û mehkeme de cezaya hepsê keyeyî dîyaye mi.  8 embazê ma ke ameybî destbendkerdene û raştê îşkenceyî ameybî înan ra di kesî ameyî tepiştene.

Qiseykerdişê mi yo ke sey sûcî yeno hesibnayene heqîqet o û ez to tim heqîqetî bîyarî ziwan. Sey 1938î ewro zî nê şarî rê travmayî dîyenê ciwîyayenê. Senî ke o wext şar raştê qirkerdişî ame ewro zî şarê ma raştê qirkerdişê kultur û bawerî yeno. Çew nêeşkeno nê înkar bikero. Badê qeyûmê 2016î bi desan embazê ma karê ci ra ameyî dûrfînayene. Zafê nînan mecbûr mendê ke welatî ra vejîyê. Xora sîstemê hemserekîye zî yeno hedefgirewtene. Qeyûmî hêrişê destkewteyanê cinîyan kenê.''