Merkezê Çapemenîye yê QSDyî pê eşkerayîyêke da zanayene ke înan pê destekê Asayîşê Zereyî 23ê gulane de herêma Cizret Bû Hemidî yê Dêra Zorê û kampan de vera endamanê DAÎŞî operasyonêko hîra da destpêkerdene.

QSDyî eşkera kerd ke operasyon dima ke DAÎŞî tay şêx û rîsipîyê herême kerdê hedef dîya destpêkerdene.

Goreyê eşkerayîya QSDyî hêzanê înan eşt 53 noqtayan ser, 3 terorîstê ke Endamê Meclîsê Dêra Zorê Mueyed El-Reyaş kiştbi zî tede 24 cergî tepiştî.

QSDyî vat: ''Hêzanê ma dest na xeylêk bombayan, kalaşnîkofan, malzemeyanê çeke, dokumentan, plananê operasyonan, çekanê leşkerîyan û madeyanê kundoxan ser.''