Fermandarîya Pêroyî ya QSDyî  derheqê vînîbîyayeyanê Rojawanî de eşkerayîyêke daye û nê pare kerdî:

''Ma sey Fermandarîya Pêroyî ya QSDyî dimayê pêvînayîşê Meclîsê Neteweyîye yê Kurdan ê Sûrîye (ENSK) qerar girewt ke semedê kesanê ke Rojawan de vînî bîyî komîsyonêk rona. ENKSyî zî 10 kesan ra lîsteyêkê vînîbîyayeyan da ma. No komîsyon do semedê vînayîşê nînan û heme kesanê bînanê ke aqibetê înan nîno zanayene cipersayîş bikero.

Lîsteyokê hetê Heyetê Serekîye yê ENKSyî ra 15ê kanûne 2019î de teqdîmê ma kerd ca û tarîxî kesanê vînîbîyayeyan wina yo;

Cemîl Umer / Qamişlo / 13ê temmuze 2012

Behzad Dorsin /  Dêrikê / 24ê teşrîna verêne 2012

Nîdal Osman / Dêrik/ 24ê teşrîna verêne 2012

Ehmed Osman Seydo / Efrîn / 19ê temmuze 2013

Ehmed Xelîl Sîno / Efrîn / 11ê teşrîna verêne 2013

Idrîs Elo / Efrîn / 8ê teşrîna peyêne 2013

Şeban Abdulhemîd Şêxo / Efrîn/ 11ê teşrîna peyêne 2013

Emîr Hamid / Dirbêsîyê / 11ê kanûne 2014

Fûad Îbrahîm / Dêrik / 24ê adare 2017

Siûd Mîrz El-Îsa / Dirbêsîyê / 27ê teşrîna peyêne 2019

Seba ke Efrin binê îşxalî de yo kesê ke ûca vînî bîyî derheqê înan de cigêrayîş nêamekerdene. Herêmanê Kobanê, Efrîn û Cizire de kesêkê ameyî remnayene û vînîbîyayene cigêrayîşê derheqê înan de karêko  zaf têmîyankewte yo. Nika tewr tay 3 hezar 286 kesan ra xebere nîna girewtene. Nînan ra 544 kesî hetê DAÎŞî ra, 2 hezar 368 kesî hetê grûbanê mûxalîfan ê Sûrîye ra, 275  kesî zî hetê çimeyanê asayîşî yê rejîmê Sûrîye ra ameyî remnayene. 8 kesî zî waranê binê kontrolê ma de vînî bîyî.

Gureyê cigêrayîş û cipersayîşî yê komîsyonî gureyêko ehleqî û fermî yo û ganî saha de bi hetanê aktîfan bi hawayêkê hemparî bêro kerdene.  Reyna ganî Îdareyo Xoser yê Vakur û Rojhelatê Sûrîye zî seba ke na babete birese peynî berpirsîyarîya xo bica bîyaro.''