Merkezê Çapemenîya QSDyî bi eşkerayîyêk da zanayene ke hêzanê înanê taybetan ê operasyonî  30ê kanûne de herêma Şadedê de vera hucreyanê rakewteyan ê DAÎŞî operasyonêko serkewte viraşt.

Eşerayîye de ame vatene ke çeteyê ke çarçewaya operasyonî de ameyî tepişene amadekarîya hêrişî kerdêne.  Ame tesbîtkerdene ke çeteyan amadekarîye kerdêne ke serrnewe de Qamişlo, Hesekê û Dêrik de bi wesayîtanê bombabarkerdeyan vera şarî hêriş bikerê. QSDyî da zanayene ke operasyon de serçete yo bi nameyê Furat Siltan ( Ebû Mûnzir) weş ameyo destfînayene. Reyna çeteyêko Qamişlo de wesayîtê bombabarkerde semedê hêrişî amade kerdbi weş kewt dest û wesayît hetê ekîbanê pîsporan ra ame îmhakerdene.