Merkezê Îrtîbatî yê Hêzanê Sûrîyeya Demokratîke (QSD) pare kerd ke Yewinanê Antî-terorî mabênê 11-17ê gulane de Dêra Zorê de vera hucreyanê DAÎŞî operasyonêk kerd.

QSDyî derheqê operayonî de nê zanayîşî dayî: ''Yewinanê Abtî-terorî mabênê 11-17ê gulane de vera hucreyanê DAÎŞî yê herêma Dêra Zorî operasyonêk kerd. Operasyon de ke bajarekê Bûsera de ame kerdene, şerê cerganê DAÎŞî de 2 cergî ameyî kiştene, cergêk zî serê xo de bombayêke teqnaye. Operasyon de 4 cergî bi hawayêkê weşî ameyî tepiştene û dest nîya xeylêk çek û cebilxaneyan ser.

Operasyonê bajarekê Daşîşa de cergêko ke Tirkîya ra amebi herême serê xo de bomba teqnaye û dest nîya xeylêk çek, cebilxane û telefonan ser.

Operasyonê bajarekê Şihêlê de zî cergêk ame kiştene, 3 cergî bi hawayêkê weşî ameyî tepiştene. Cergêkî serê xo de bombayêke teqnaye. Operasyon de dest nîya çek û cebilxaneyan ser.''