Bajarê Dêrikî yê Kantonê Qamişloyî de semedê azadîya Rayberê Şarê Kurdî Abdullah Ocalanî rayraşîyayîşêk ame kerdene.

Girkê Legê, Til Koçer, Çilaxa û Dêrikî ra şar û temsîlkarê TEV-DEM,PYD, Kongra Star û Yewîya Cinîyan ê Ciwanan tewrê rayraşîyayîşî bîyî. Rayraşîyayîş de fotografê Abdullah Ocalanî û pankartê “Rayber Ocalanî rê azadîye û edalet” ameyî kiriştene. Gama ke çalakwanî resayî Meydanê Azadîye xeylêk berpirsîyaran qisey kerd.  Qiseykerdişan de ame vatene ke dewleta tirke pê xorîkerdişê tecrîdî wazena dewaya kurdan biqedîno la ê se kenê wa bikerê do meeşkerê verê têkoşînê kurdan bigêrê. Qiseykerdoxan veng da CPT û dezgehanê bînan ê Ewropa ke wa şirê Tirkîya ser ke tecrîd bêro şiknayene. Qiseykerdişan de bale ameye antene felsefeya Abdullah Ocalanî ser û ame vatene ke azadîya fîzîkîye ya Ocalanî azadîya şaran a.