Endamê Keyeyanê Şehîdanî yê Qamişlo Elî Omaro ke serra 1995’î de Rayber Apo zîyaret kerdo  ANF’yî rê derheqê ey de qisey kerd.

Elî Omero ke lajê ey  Dîyar Qamişlo serra 2000  de Kanî Cengê de şehîd bîyo ard ziwan ke dimayê vînayîşê Rayber Apoyî o manaya weletperweryîye û fedaîye  mûsayo û wina va: ‘’Rayber Apo ma zaf germin pêşwazî kerdî. Ma eşnawitibi  Rayber Apo zaf kesêko zanaye yo. Ez o wext tewrê ciwananê Partîya Sosyalîste de bîya. Gama ke mi o goştarî kerd, mi dî ke senî qalê sosyalizm û Kurdîye keno mi va ‘tam çîyo ke ez wazena no yo’. O demê de sosyalîstan qet qalê Kurdan nêkerdêne. Dimayê nê pêvînayîşî eleqedarîya mi ya şoriş û têgerayîşê zêdîyaye. Ma rêxistinkerdişê şarî de ca girewtêne. Serekî derheqê welatperwerîye û bestişê ci yê  şorişî de qiseykerdişêk kerd.

Qiseykerdişê Rayber Apoyî zaf têsîrê mi kerd. Heta ewro ez xebatan de ya. Sebebê naye têsîrê qiseykerdişê Rayber Apoyî yo. Zafê welatperwerê ma rixmê nêvînayîşê Rayber Apoyî ey rê giredaye yê. Dimayo ke dewleta Tirkî Rayberê ma esîr girewt ma ferq kerd ke o semedê ma senî bierj o. Dişmenî va qey ey bi esîr girewtişê Rayberîye peynîya Kurdan anê la înan nêzanayenê şar senî Rayberîya xo rê giredaye yo û  xeta ey de mucadele keno. Rayber Apoyî welatperwerîye mezgê ma de ramite. Ma Rayber Apoyî ra welatperwerîye mûsaye û dewaya xo fam kerde. Rayber Apo vano ke ‘Şehîdê ma sembolê welatperwerîye û azadîye yê.’ Ma zî do rêça şehîdanê xo de mucadeleyî gird bikerê. Rayber Apo sembol û temsîlkarê welatperwerîye yo. Ma do bi Rayber Apoyî sibayanê azadan bivînê.’’