Welatperweranê Rojawanê Kurdîstanî ra Xalîse Mihemed û mêrdeyê ci Adnan Hisêyînî ANFyî rê qisey kerd û qala ci kerd ke înan senî Rayberê Şarê Kurdî Abdullah Ocalan û Têgêrayîşê Azadîye şinasnayê.

Xalîse Mihemed ard ziwan ke serranê 80an de bi rayîrê kadroyanê PKKyî înan Têkoşînê Azadîye yê Kurdîstanî şinasna û vat: ''Ma Tirbêsipîyê de mendêne. Dima ke embazî ameyî keyeyê ma ma ê nêzdî ra şinasnayî. Şayîyanê 15ê Tebaxe de ma şîyêne Akademîya Mahsum Korkmazî ya Beka.  Ez birayê xo û kênaya xo reyde şîya, mi Rayberîye dîye. Ma qasê hîrê saetan cayê ey de mendî. Seba ka me o dî kêfweş bîyî. Ey enerjîyêke dayêne ma. O têna seba kurdan nê seba pêro bindestan hêvî yo. Wexto ke Rayberîye azad bîye ma zî do azad bibê.''

Mêrdeyê Xalîse Adnan Hisêyîn (Bavê Selîm) serranê 80an de wexto ke leşkerîye kerdêne têgêrayîş şinasna. Adnan Hisêyînî vat: ''Mi bi saya embazan Îsmaîl Koçer, Mûhammed Emîn û Huseyîn Sawişî têgêrayîş nêzdî ra şinasna. Perwerîya Rayberîye tesîrê ma kerde. Dima ke ma Rayberîye dîye hînî fikrê ey zî şinasnayî û nêzdîyê ci bîyî. Mi verî 1988 de o dî. Wexto ke ma şîyî Kampa Beka mi verî Heval Cuma dî. Ma û Rayberîye ma çar saetan qisey kerd. Ey zaf tesîrê mi kerd. Ey seba mi cuyêka newîye afernaye. Ma soz da ke rayîrê ey ser de bibê.''