Endamanê Têgêrayîşê Ciwanan ê Şorişgêran û Yewîya Cinîyan ê Ciwanan ê Dêrîkî vera hêrişanê îşxalî yê serê Herêmanê Pawitişî yê Medya û seba wayîrvejîyayîşê Hemleya Şorişgêre ya Bazan Zagrasî 3 roja çalakîya rayraşîyayîşê dergî kerdbi. Çalakîya ciwanan Dêrik de qedîyaye. Roniştoxanê herême bi coşêkê pîlî ciwanî pêşwazî kerdî. Bi seyan ciwanî tewrê rayraşîyayîşî bîyî û înan seba Rayberê Şarê Kurdî sloganî vatî.

Ciwanan verê Merkezê Ciwanan ê Şehîd Bawerî de nawnayîşêk kerd û nameyê ciwanan ser o Mihemed Elî û Nesrîne Hesen eşkerayîye wende.

Ciwanan ard ziwan ke dewleta tirke pê hêrişan armanc kena ke gerîlayan û PKK çin bikera û Başûrê Kurdîstanî îşxal bikera. Ciwanan da zanayene ke gerîlayî hêzê meşrû yê kurdan ê, erdê xo pawenê û şarê Rojawanî hetê gerîlayan de yê.

Ciwanan venga şarê kurdî da ke wa seferberîye bikero,  paştî bido gerîlayan û yewîya xo awan bikero.

Ciwanan vat: ''Nê şerê rûmetî yê Avaşîn, Zap û Metîna de ma gerîlayan reyde yê û pê Hemleya Bazanê Zagrosî ma do ser bikewê.''

Eşkerayîye ra dima Koma Cûdîyî deyîrî vatî.