Rejîmê tirkî dewanê Eyn Îsayî ser o bombayî varnayî

Artêşa tirke ya îşxalkere di dewanê Eyn Îsayî ser o bombayî varnayî.

Goreyê xeberanê ke ameyî girewtene, dewleta tirke ya îşxalkere goreyê saeta herême dormeyê 21:15 de vizêr dewanê Xirbitbekîr û Savanî yê Eyn Îsayî ser o bombayî varnayî. Derheqê hêrişî de zanayîşê zelalî nêameyî girewtene.

Rejîmê tirkî rîxmê pandemîya Covid-19î zî her roje bi hawayêkê sîstematîkî hêrişê herêmanê Rojawanî keno, biawanîye keno hedef û herême bê awe verdeno.

Rojêke de dewa Ûm El Kêfî ya Til Temirî ameye bombakerdene û sivîlêk birîndar bi, perey reyna bombardumanêkê vera dewa Rebîatî ya Zirganî de 4 sivîlî birîndar bîyî.