Fermandarîya Pêroyî ya Hêzanê Asayîşê Zereyî yê Rojawanî keyepelê xo de pare kerd ke înan taxa Rumêla ya Reqa de vera hucreyanê DAÎŞî operasyonêk kerdo.

Dîya zanayene ke operasyon bi hemkarîya şarê taxe ameyo kerdene û tede dest nîyayo 1 damançaya Starî, 4 damançayan, 23 şarjoran, 243 guleyanê kalaşnîkofan, 13 şarjoranê xalîyan, 13 kalaşnîkofan, 1 durbun, 1 telefonî, 1 kasatura û 4 yelegan ser.

Hêzanê Asayîşê Zereyî vat ke operasyon de şar bi ruhê yewîye têgêrayo û wina dewam kerd: ''Nê operasyonî seba aramî û asayîşê herême û şarê ma do dewam bikerê. Êyê ke paştî danê ma û şarê ma rê ma sipas kenê. Ma do derheqê nê operasyonan de tim agahîyan bidê şarê xo.''