Merkezê Îrtîbatî û Çapemenîye yê QSdyî pare kerd ke hêzanê taybetan operasyonêkê asayîşî Reqa de kerdo û netîce de sercergêkê DAÎŞî tepişîyayo.

Eşkerayîye de ame vîrvistene ke teqîbkerdişî ra dima bi paştdayîşê hewayî yê Koalîsyonê Mîyanneteweyî dewa Hittînî ya Reqa de operasyon ameyo kerdene û netîceya ci de sercergo ke verî 'Mîrê Beyt El Malî' bi û xebatê malî yê DAÎŞî kerdêne, tepişîya.

Merkezî dîyar kerd ke QSD û koalîsyon serra 2019î de zî heman sercerg Dêra Zorê de teqîb kerdêne la nêeşkayî ey bitepişê.

Merkezî da zanayene ke operasyon de dest nîyayo tay belgeyan ser zî.