Rêxistina Têkoşînê Vera Şîdetê Serê Cinîyan a Sara derheqê zêdebîyayîşê şîdetê vera cinîyan ê herême de eşkerayîyêke kerde. Eşkerayîye bînaya Rêxistina Têkoşînê Vera Şîdetê Serê Cinîyan a Sara ya Qamişloyî de ameye kerdene û endamê Meclîsê Cinîyan ê Sûrîye, Rêxistina Heqanê Merdiman, Weqfa Cinîyan ê Roşnvîran û xeylêk rêxistinê komelkî yê sivîlî tewrê eşkerayîye bîyî.

Eşkerayîye de dayîya zanayene ke cinîyan destkewteyê girîngî girewtî û hîşmendîya camêrdan a serdeste kena ke cinîyî bêtesîr bikera. Eşkerayîye de ame vatene: ''Tedaya komelkîyî û keyeyî kenê ke cinîyî şîdet bivînê. Netîceya naye de zî cinîyî xo kişenê. Xokiştişî hînî meseleyê pîlî yê û ganî verê nînan bêro girewtene. Têna bi nê hawayî ma do bieşkê ke komelê demokratîkî awan bikerê. Coka pêro dezgehî û rêxistinî ganî mesuldarîya xo bîyarê ca. Ganî ma xîret bikerê ke domanê ma şîdetî ra dûr bibê. Domanê ke wayîrê meseleyanê psîkolojîkan ê ganî hetê psîkolojîkî ra paştî bêro dayene nînan.''

Peynîya eşkerayîye de venga cinîyan ame dayene ke dormeyê şîarê ''bi ciwîyayîş xo ver bidê, bihêz bibê û vera dinya de vinderê'' de bêrê pêser.