Rojawanê Kurdîstanî de protokolê mabênê Îdareyê Xoserî û Neteweyan ê Yewbîyayeyan (NY) ser o xeylêk  'Ofîsê Seba Şerî ra Pawitişê Domanan' ronîyayî. Nê ofîsî armanc kenê ke domanan çekan ra bipawê û binpaykerdişê heqanê domanan kontrol bikerê. 

Ofîsan de seba pawitişê domanan xebatî dîyayî destpêkerdene. Hemsereka Ofîsan ra  Newroze Alî da zanayene ke înan derheqê binpaykerdişanê heqanê domanan de xeylêk gerreyî girewtî û nînan ser o tehqîqatî dayî destpêkerdene.

Newroze vat: ''Ma nê gerreyan QSDyî reyde pare kenê û ê zî tehqîqat kenê a. Ma çarçewa nê xabatan de UNICEFî reyde zî têkilîyan nanê ro. ''

Hemserekê Meclîsê Rayberdişî yê Îdareyê Xoserî yê Rojawanî Ebîd Hamîd El Mihbaşî zî eşkera kerd ke hêrişê dewleta tirke yê vera herême û pandemî asteng kenê ke ê protokol bi hawayêkê lezî bîyarê ca.

QSDyî rojanê peyênan de 30ê ci laj û 51ê ci kênayî 81 domanê ke bi zorî gêrîyayî binê çekan erşawitbî keyeyanê ci.