Dewleta tirke û cerganê aye bi hêrişê îşxalî yê vera Rojawanî heqê perwerdeyî zî destê şarê herême ra girewt. Rîyê hêrişan ra 810 dibistanî ameyî padayene û 86 hezar wendekarî perwerdeyî ra ameyî dûrvistene.
Îşxalê dewleta tirke û cerganê ci yê vera Rojawanî de zaf sivîlî ameyî qetilkerdene û 300 hezar roniştoxê Rojawanî zî neçare mendî ke waranê xo ra koç bikê. Dewleta tirke ya ke wazena demografîyê herême bivurna dibistananê herême hedefê hêrişanê xo kena.
Dibistanê ke îşxalê dewrê DAÎŞÎ de ameybî padayene hetê Îdareyê Xoserî ra ameybî akerdene. La dibistanî îşxalê dewleta tirke ra dima newe ra ameyî padayene. Dibistanê nêzdîyê sînorî seba asayîşê wendekaran ameyî padayene. Dewleta tirke ya ke 20 dibistanê xeta sînorî pê bombayan kena hedefê xo, semedê aye ra herême de 810 dibistanî ameyî padayene. Dewleta tirke dibistanê ke îşxal kerdî tede pêro hacetê perwerdeyî zî talan kerdî.Semedê îşxalê dewleta tirke yê vera Rojawanî ra 86 wendekarî heqê xo yê perwerdeyî ra ameyî dûrvistene.
