Bi hezaran kesê ke îşxalê dewleta tirke yê vera Rojawanî de neçare mendî ke warê xo ca verdê rastê feqirîye, zehmetîyan û nêweşîyan ameyî.

Koçberan ra zaf kesî Kampa Waşokanî de ameyî cadayene ke hetê Îdareyê Xoserî ra ameye ronayene. Kampe de 5 hezar û 700 koçberî kenê ke biciwîyê. Bi ameyîşê zimistanî şertî hîna bîyî giran. Heyva Sor a Kurdîstanî û Îdareyê Xoserî ra ber zî dezhehêk hetkarîya koçberan nêkeno.

Koçberêko binê varanî de keno ke hacetanê xo xeyma xo ya ke awe gêna ra bêro xeymêka bîne. Koçberêko bîn zî bi koçberanê bînan xîret keno ke xeyma xo rono. Koçberî vanê ke hetkarîye qîm nêkenê û hema zî xeyma tay kesan çin a. Meselêka bîne zî soba ya. Kampe de sobayî tay ê. Coka koçberî kenê ke bi batanîyan xo germin bikê. Koçberê Mencîrijî Idîdal El-Hesenî vat ke seba ke menga zimistanî ya zaf sixletîye ancenê û sobayê ke estê seba germinbîyayîşî qîm nêkenê. El Hesen wazeno ke hînî cergî dewan ra bêrê vetene û abigêrê dewanê xo. El-Hesenî pare kerd ke koçberî mîyanê şert û mercanê zoran de zî xoverdayîşê xo dewam kenê û heta ke cergî dewan ra nêrê vetene do anêgêrê keyeyanê xo.