Xeylêk merkezanê Rojawanê Kurdîstanî de bi sloganan rojbîyayîşê Rayberê Şarê Kurdî Abdullah Ocalanî ame fîrazkerdene û leyî ronîyayî.

Bi wesîleya rojbîyayîşê Ocalanî Qamişlo de  şayîyêka pîle ameye kerdene. Şayîye bi slogananê sey 'Bê serok jiyan nabe' qedîyaye.

Amûdê, Çilaxa, Tirbesipîyê, Til Hemîs û Til Birak de zî serkêşîya Kongreya Starî de şayîyî ameyî viraştene, goristanê şehîdan ameyî zîyaretkerdene û leyî ronîyayî.

Reqa û Herêma Firatî de zî bi şîarê 'Şima nêeşkenê tîja ma tarî bikerê' û 'Rojbîyayîşê Rayber Apoyî gandarbîyayîşê cuya azade yo' 4ê Nîsane ame fîrazkerdene. Qiseykerdişan de tecrîdê Îmraliyî ame waştene û azadîya Abdullah Ocalanî ameye waştene.

Kobanê de dewa Elpelûrî ya ke serranê 80an de Ocalanî rê meymanîye kerda, tede şayîyêke ameye viraştene. Qiseykerdişan de venga pêro kurdan û dostanê înan dîya ke seba azadîya Rayberê Şarê Kurdî têkoşîn bikerê. Şayîye de xeylêk hunermendî vejîyayî sehne ser.