Rojawanê Kurdîstanî de semedê şermezarkerdişê hêrişê îşxalî yê dewleta tirke yê vera Metîna, Zap û Avaşînî û selamkerdişê xoverdayîşê gerîlayan çalakîyî ameyî kerdene.

Til Koçer, Qamişlo û Heleb de şarî pê çalakîyan paştî daye gerîlayan û îşxalê hêrişî yê dewleta tirke û bêvengîya hêzanê mîyannewteweyî şermezar kerdî. Çalakîyan de bale ameye antene serê tecrîdê vera Rayberê Şarê Kurdî Abdullah Ocalanî ser û azadîya ci ameye waştene. Qiseykerdişan de  ame vîrardene ke dewleta tirke cayanê sîvîlan zî bombarduman kena û veng dîya rayapêroyîye ke wa vera nê hêrişan bêveng memano. Çalakwanan pê sloganan xoverdayîşê Îmraliyî û gerîlayan selam kerd û mesajê pîlkerdişê têkoşînî dayî.