Rojawanê Kurdîstanî de seba ke yewîya kurdan bêra awankerdene hetê 25 partî û têgêrayîşanê sîyasîyan  sîwana bi nameyê ''Partîyê Yewîya Neteweyîye ya Kurdan'' awan kerde. Derheqê sîwane de eşkerayîyêka nuştekîye ameye dayene û nê ameyî vatene:

''Rewşa hesase ra ke Sûrîye û Rojawan tede ya, girîngîya pêvînayîşanê mabênê partîyan ê sîyasîyan û hêzanê kurdan de ra semed û seba paştdayîşê înîsîyatîfê sîwane yê Fermandarîya Pêroyî ya Hêzanê Sûrîyeya Demokratîke (QSD) û seba ke pêro partî û têgêrayîşê kurdan bêrê têhet 18ê gulana 2020î de Qamişlo de kombîyayîşêk ame kerdene û netîceya kombîyayîşî de nê qerarî ameyî girewtene:

-Partîyê Yewîya Neteweyîye ya Kurdan seba ke meseleyê yewîya kurdan teqîb bikerê  do xebatanê hemparan rayra bêrê û nê partîyî hetê komîteyêke ra bêrê temsîlkerdene.

-Logo û slogan sey ''Partîyê Yewîya Neteweyîye ya Kurdan'' ameyî weçînayene.

-Temsîlkarê nê partîyan seba ke serebût û meseleyanê herême nîqaş bikerê bi hawayêkê perîyodîkî do kombîyayîş bikerê.

Partî û dezgehê ke binê sîwana ''Partîyê Yewîya Neteweyîye ya Kurdan'' de ca gênê, wina yê:

- Partîya Haştîye ya Demokrate ya Kurdîstanî

- Partîya Yewîya Demokratîke (PYD)

- Kongreya Starî

- Partîya Demokrate ya Kurdan a Sûrîye (PDKS)

-Partîya Keske ya Kurdîstanî

-Partîya Çepe ya Demokrate ya Kurdan a Sûrîye

-Partîya Çepe ya Kurdan a Sûrîye

-Partîya Lîberale ya Kurdîstanî

-Partîya Biratî ya Kurdîstanî (PBK)

-Partîya Neteweyî ya Kurdan a Sûrîye

-Partîya Vurnayîşê Demokrate ya Kurdîstanî

-Têgêrayîşo Newe yê Kurdîstanî yê Sûrîye

-Partîya Têkoşînê Demokratî

-Partîya Azadî ya Kurdistanî

-Partîya Yewîya Neteweyî ya Azade-Rojawan

-Partîya Komare ya Kurdîstanî ya Sûrîye

-Têgêrayîşê Reformî yê Sûrîye

-Partîya Komunîste ya Kurdîstanî (KKP)

-Partîya Roje ya Demokratîke ya Sûrîye

-Pêlê Ameyoxî yê Kurdîstanî

-Partîya Demokrate ya Kurdîstanî ya Sûrîye

-Yewîya Karkeranê Kurdîstanî (YKK)

-Partîya Kombîyayîşî ya Neteweyî ya Kurdîstanî

-Partîya Averşîyayîşî ya Demokrate ya Kurdan a Sûrîye

-Partîya Demokrate ya Kurdan a Sûrîye (El Partî)