Rojnameger Seyîd Evranî ke bi Şorişê Rojawanî verê xo da warê şorişî berê her keyeyî cina. Necah Gulo û Mihemed Hesenî qala rêçanê ey kerd ke do çirey merê vîrakerdene.

Mihemed Heseno ke efrînij o û nika Şehba de ciwîyeno derheqê Seyîd Evrenî de nê vatî: ''Embaz Seyîd senî ke awa zelale herikîyena wina bi. Tim moralê ey ca de bê. Boya koyî, gerîlayan û şorişî tira ameyêne. Şarî ra zaf hes kerdêne û tim mîyanê şarî de bi. Rojnamegerê Şehba pêro şagirtê ey yê. Qelem  û kameraya ci erdî de nêmendî. Şagirtê ey rêça ci de dewam kenê. Embaz Seyîd bi mîrasê xo hema zerrîya ma de ciwîyeno.''

Necah Gulo zî nê vatî: ''Embaz Seyîd pabesteyê Rayberîye, welat, şoriş û şehîdan bi. Tim qala serkewtiş û kêmayîyanê şorişî kerdêne.  Hemrayê perûne bi. Bêters bi, jîhat bi. Çîyo ke tira ameyêne waştene nê ra zafêr kerdêne. Hela tengê de cayê şarî de bi, moral dayêne. Hemrayê hemrayanê xo bi. Gama ke hewceyê ma pê bibiyênî cayê ma de bi. Embaz Seyîd dostê hela tenge bi. Tim qala qirkerdişanê vera kurdan kerdêne ke wa merê vîrakerdene.  Paştî dayêne hemrayanê xo û şarî. Hêz dayêne ma. Embaz Seyîdî zerrîya ma pêrune de cayê xo girewt. Ma do çirey ey xo vîra mekerê.''