Herêma Firatî ya Rojawanî de bi hezaran kesê ke vera tecrîdê serê Rayberê Şarê Kurdî Abdullah Ocalanî û hêrişanê îşxalî yê dewleta tirke vejîyayî kuçeyan vat ê do çirey vera zextan çok medê.

Rayraşîyayîşo ke Meydanê Cinîya Azade yê Kobanê de dest pê kerd heta Meydanê Şehîd Egîdî kerd derg. Çalakîye de posterê Abdullah Ocalanî ameyî kiriştene û bi sloganan azadîya ci ameye waştene. Hemserekê PDYî Enver Muslimî bale ante xoverdayîşê şarî yê vera dişmenî ser û vat: ''Ma prosesê tengî ra ravêrene ke têna  bi projeyê demokratîkî ma eşkenê bixelisîyê. Dişmen seba ke nê projeyî ra teseno vera Rayber Apoyî komlo kerd. Semedê holeya heme hetan ganî Rayber Apo cade bibo azad. Dewleta tirke herême ke îşxal kerdî, verê çimanê dinya tede multecîyê surîyeyijî ca kerdî la vengê çewî nêvejîyeno. Ma do reyna bi xo heqanê bifînê dest.''

Hemsereka Meclîsê Şêranî Letîfe Silêman zî ard ziwan ke ganî vera hêrişan ê zafêr xover bidê û vat dewletê serdestî haştîye nêwazenê.

Badê qiseykerdişan şar şi Xeyma Serkewtişî ke semedê wayîrvejîyayîşê gerîlayan, çarçeweya kampanyaya seferberîye de vizêr hetê ciwanan ra ameye ronayene.