Bi wesîleya serrgêra 11. ya Şorişê Rojawanî yê 19ê Temmuze vizêr Kobanê, Reqa, Qamişlo, Girkê Lagê, Dêrik, Dirbesiyê, Şadedê û xeylêk bajaranê bînan  Rojawanî de şayîyî ameyî kerdene.

 Meydanê şayîyan bi slogana ''Ma do bi ruhê 19ê Temmuze Rayber Abdullah Ocalanî azad bikerê û netewa demokratîke awan bikerê'' ameyî xemilnayene. Îdareyê Xoserî yê Rojawanî, temsîlkarê îdareyanê sîvîl û xoserî, partîyanê sîyasîyan, rayber û şêxê eşîran, endamê dezgehanê sîvîl û leşkerayn û rêxistinê cinîyan ciwanan tewrê şayîyan bîyî. Qiseykerdişan de bale ameye antene ser ke şoriş senî pê bedalan girdan ame kerdene û semedê wayîrvejîyayîşê şorişî û xurtkerdişê têkoşînî ame vendayene.