Rojawan de qedexeyê vejîyayîşê teberî heta 1ê gulane ame dergkerdene. Vervatoxa Komîteya Weşîye ya Kantonê Qamişloyî Rojîne Ehmed derheqê tedbîran de ANFyî reyde qisey kerd.

Rojîne Ehmed vat: ''Destpêk de ma berê sînorî girewtî, dima zî qedexeyê vejîyayîşê teberî îlan kerd, masaya krîzî ya Komîteya Weşîye ameye awankerdene. Dêrik de seba rewşa îstîsnayî 2 komî awan bîyî. Rewşa îstîsnayîye ra berî şîyayîş û ameyîşê şaristanan qedexe yê. Komîteya Weşîye herême de dest pê awankerdişê merkezanê têkoşînî kerd. Merkezê weşîye pêro pakî bîyî. Komîteya Weşîye sînoran de tedbîrî girewtî.  Testê kesanê ke Şamî ra yenê hetê tîmanê weşîye ra yenê kerdene. Dima zî merkezê karantîna de nê kesî yenê cakerdene.  2 cîhazê PSI estê. Heta nika 20 kesan rê testî ameyî kerdene û pêro negatîf bîyî. 54 kesî zî karantîna ra vejîyayî. Dêrik de kampê Newroze û Roje estê. Heyva Sor nê kampan de wezîfe kena. Kampan de karê dezenfekteyî yenê kerdene, tedbîrî estê. Şarê ma zaf zor û zehmetîyan anceno. Hewceyê ma pê malzemeyanê tibîyan û cîhazan esto. La heta nika dezgehêk na berpirsîyarîye nêgirewte xo ser. Ganî dezgehê mîyanneteweyî hetkarîya herême bikerê.''