Hêrişê îşxalî yê dewleta tirke yê vera Rojawanî bi zêdîyayîşî dewam kenê. Dewleta îşxalkere saetanê serê sibayî ra waranê sîvîlan ê Rojawanî ser o bombayan vernena.

Goreyê zanayîşanê ke ameyî girewtene dewleta tirke ya îşxalkere dewê  Sêgirka û Til ziwanî yê Qamişloyî dayî bombayan ver. Goreyê zanayîşanê verênan birîndarî est ê la derheqê hûmare û rewşa birîndaran de zanayîş nêame girewtene.

Dewê Cirnik, Til Hemdûn û Xanîkê yê Amûdê û dewa Qermanê ya Dirbêsîyê dîyayî bobmbayan ver.

Bi hewayê hemwextî dewê Şelhomiyê, Girdê, Kêl û Henakî ameyî bombardumankerdene. Dîya zanayen eke dewanê Tirbesiyê de birîndarî est ê la zanayîşo hîra nêame girewtene.

Hêrişê dewleta tirke yê vera Til Temirî de dewijêkî dinyaya xo bedilnaye.

Hetê bînî ra Vervatoxê Meclîsê Leşkerî yê Girê Sipî Wisam El-Omerî bi eşkerayîya çapemenîye da zanayene ke 10 rajanê peyênan de Girê Sipî û Eyn Îsa de 5 kesî netîceya hêrişanê dewleta tirke de şehîd bîyî.