Dewleta tirke ya îşxalkere 6ê tebaxe de taxa Sinaa ya Qamişloyî de hêrişê wesayîtêkê sivîlî kerdbi. Hêriş de kesê bi nameyê Şemdînî, di domanê ci Ehmed Hesen û Aheng Hesen û Endamê Dezgehê Dîsîplînê Leşkerî yê Hêzanê Sûrîyeya Demokratîke (QSD) Mazlûm Esed (Rûxaz Amed) şehîd bibî.

Qamişlo û qezaya Amûdê de cenazayê şehîdan bi merasîmêkê girseyîyî ameyî definkerdene.

Qamişlo de merasîmê definkerdişê babî û di domanan de Endamê Meclîsê Keyeyanê Şehîdan ê Qamişloyî Kêfo Osmanî qisey kerd û keyeyanê şehîdan ra serweşîye waşte. Osmanî îfade kerd ke ê do vera hêrişan milê xo çewt nêkerê, xoverdayîş û têkoşînî rê dewam bikerê. Dima Kongreya Îslamîyî ser o Ebdulkerîm Saroxanî ard ziwan dewleta tirke kurdan xo rê sey tehlukeyî vînena coka hêrişê kurdan kena.

Dima nasnameyê şehîdan ameyî wendene û şehîdname teslîmê keyeyî ame kerdene. Girseyî pîya cenazayî goristan de defin kerdî.

Qamişlo de merasîmê definkerdişê Mazlûm Esedî de Endamê Meclîsê Keyeyanê Şehîdan Ehmed Fersoyî û Fermandaranê Meclîsê Leşkerî yê Amûdê Berxwedan Amûdê pare kerd ke ê do rayîrê şehîdan tim teqîb bikerê û îşxalê dewleta tirke biqedînê. Dima nasnameyê şehîdî ame wendene û şehîdname teslîmê keyeyî ame kerdene. Cenaza bi sloganan ameye definkerdene.