Goreyê Rêxistina Heqanê Merdiman a Efrînî cerganê dewleta tirke deztpêkê menga adare ra heta nika 4 cinîyê efrînijî zî tede 96 sivîlî remnayî û 4 kesî zî qetil kerdî.

Hetê bînî ra îşxalkeran Dêr Belût û Cindirês de 6 hezar zeytûnêrî birnayî. Girê Til Endelîpî yê dewa Isterî û girê Cirnasî yê dewa Senera zî hetê cergan ra ameyî talankerdene. Cergan gorîstanî kenenê û gorê Şêx Mustafa Îdrîsî zî talan kerd. Camîyê Şîyî zî ame xerakerdene. Cergan Goristanê Şehîdan ê Şehîde Awesta Xabur zî xera kerd û gor vurna bazar.

Destpêkê îşxalê Efrînî ra heta nika dewleta tirke ya îşxalkere verê çimanê pêro dinya de pê rayîrê cergan demografîya herême vurnena.

Derheqê babete de Hemserekê Meclîsê Rayberdişî yê Herêma Efrînî Bekîr Eloyî vat: ''Dewleta tirke û cergê ci her roje sivîlan rê gef wanenê. Dewleta tirke cergan xebitnena. Şehba de zî her roje gef wanenê. Wazenê ke nê herêman bêmerdim bikerê. Bêvengîya komelê mîyanneteweyî kena ke dewleta tirke û cergê ci kerdişê xo dewam bikerê.''