Rojawan de Komployê Mîyanneteweyî yê 9ê Teşrîna Verêne yê vera Raybarê Şarê Kurdî Abdullah Ocalanî pê çalakîyan ame protestokerdene. 

Şehba de efrînijan de ver bi Kampa Serdemî rayarşîyayîş kerd û dima ra tîya mîtîngêk kerd. Endama Koordînasyonê Kongreya Starî yê Efrînî  Şêrîne Hesen mtîng de qisey kerd. Hesene  vat: ''Rayber Abdullah Ocalanî semedê azadîya cinî û komelî şorişê komelkî aferna. Şarê bindestî felsefeya Rayber Apoyî esas genê. Dewleta komplokerê naye hezm nêkenê komployê mîyanneteweyî kerd û Rayber Ocalan esîr girewt. La ê se kenê wa bikerî nêeşkenê çîqê azadîye yo ke Rayber Apoyî vila kerd, hewna bikerê.''

Endamê Komîteya Semedê Rayber Abdullah Ocalanî azadîye  Ferzende Munzurî zî Abdullah Ocalan sey çimeyê azadîye û heqîqetî name kerd û vat komplo hema dewam keno.

Reyna Til Temir, Tirbesîyê û xeylêk cayanê bînan ê Rojawanî pê çalakîyan komplo û hêrişê îşxalî yê dewleta tirke yê vera Kurdîstanî ameyî protestokerdene û mesajê xurterdişê têkoşînî ameyî dayene. Çalakwanan serrgêra îşxalê vera Girê Sipî û Serêkanîye de vera îşxalkeran hersê xo ard ziwan û vat ê do çirey verê dişmenî de çok nêdê û tewr peynî de dişmenî erdê xo vejê.