Teyarayanê şerî yê artêşa Tirkî ya îşxalkare 13'ê Teşrîna Verêne de saete 15:40 de bombayî eştî konvoya sivîlan a Cizîre ra verê xo dayêne Serêkanîyê.

Muxabirê ANHA Seeed Ehmedî û muxabirê Çira TV Mihemed Hise Reşoyî zî tede 12 sivîlan wefat kerdibi. 8 rojnamegerî zî tede 73 sivîlî birîndar bîyî. Muxabirê ANF'yî Ersîn Çaksû, muxabira Stêrk TV'yî Emel Yûnise, muxabirê Pres Dilsoz Dildar, rojnamegere Bîrcan Yildize, Rojbîn Ekene, Abbreşîd Mihemed Mihemed, muxabirê Rûdawî Huner Ehmed zî muxabirê ANHA Mehmet Ekîncî reyde birîndar bîyî. Ekîncîyî ANF'yî reyde qisey kerde û vat: "A roje ma seba hemwelatijan seba ke wayîrê şarê Serêkanîyê bibê û şervananê QSD'yî rê silam bikê uca bîyî. Wexto ke konvoye mabênê saete 15:00-16:00 de resabi şaristan, teyarayan bombayî varnayî sivîlan ser."

Ekîncîyî ard ziwan ke armancê dewleta Tirkî ya îşxalkare no yo ke bi qirkerdişî, qetlîamî wazena wayîranê herême, roniştoxanê herême bide koçkerdene. Dewleta Tirkî ya îşxalkare verê çimanê dinya de kerdişê winasênî kerdî, no seba ke hêzanê ke hemkarîya ci kenê şermêk o. Ekîncîyî da zanayene ke dewleta Tirkî se bike pê înan nêeşkena, ê do uca de rojnamegerîye bikê û rastîyan bi dewamî biresnê.